Kirish talablari qanday?

Kirish talablari qanday?

Siz ikkita komponentdan iborat kirish imtihonini topshirishingiz kerak: matematika va ingliz tili.

Ingliz tilini bilishini tasdiqlovchi hujjati (kamida B1 darajasi) bo’lgan abituriyentlar ingliz tili imtihonidan ozod qilinadilar. Tasdiqlash uchun xalqaro IELTS sertifikatlari (5 dan kam boʻlmagan) amal qiladi. Qabul qilinadigan boshqa sertifikatlar haqida ko’proq ma’lumotni "Qanday qilib talaba bo’lish mumkin" bo"limida topishingizmumkin.

Hujjatlar uchun pasport/ID-karta hamda umumiy oʻrta, oʻrta maxsus, kasb-hunar taʼlimini tugatganlik toʻgʻrisidagi hujjat (yoki maktab/kollej yoki litseydan maʼlumotnoma) talab qilinadi.

Hujjatlarimni qanday topshiraman?

Hujjatlarimni qanday topshiraman?

O’qishga arizalar www.my.itpu.uz saytida onlayn tarzda topshiriladi. Universitet haqidagi yangiliklardan birinchi bo‘lib xabardor bo‘lish uchun Facebook, Instagram, Telegram’dagi sahifalarimizga obuna bo‘ling.

Bir vaqtning o'zida bir nechta yo'nalishlarga topshirish mumkinmi?

Bir vaqtning o'zida bir nechta yo'nalishlarga topshirish mumkinmi?

Universitetda o’qish 4 yillik bo’lib, barcha talabalar 60 610 600 — Dasturiy ta’minot muhandisligi ixtisosligiga kirishadi. Dastur o‘qishning birinchi yilidan boshlab IT asoslarini o‘rgatishga mo’ljallangan.

"Dasturiy ta"minot muhandisligi" asosiy ixtisosligidan tashqari, talabalar o"qishni
tugatgandan so’ng darhol ishlashlariga imkon beradigan beshta aktual amaliy mutaxassisliklardan birini o’zlashtiradilar: Back-End dasturchisi, Front-End dasturchisi, Full-Stack dasturchisi, Mobil dasturchi, Avtomatlashtirilgan sinov bo’yicha mutaxassis.

Agar bakalavr darajasini boshqa universitetda tamomlagan bo‘lsam, ikkinchi mutaxassislik bo‘yicha ITPUga hujjat topshira olamanmi?

Agar bakalavr darajasini boshqa universitetda tamomlagan bo‘lsam, ikkinchi mutaxassislik bo‘yicha ITPUga hujjat topshira olamanmi?

Ha albatta. Universitetimizda yangi mutaxassislikni olishingiz mumkin.

Kirish imtihonlari qachon bo'lib o'tadi?

Kirish imtihonlari qachon bo'lib o'tadi?

Kirish imtihonlari 2024-yil 10-martdan 5-sentabrgacha Toshkent shahrida jonli o‘tkaziladi. Siz saytda ro'yxatdan o'tib o'zingizning shaxsiy kabinetingizga ega bo’lishingiz va imtihon uchun ariza topshirishingiz kerak. Shundan so'ng sizga SMS-xabar keladi. Shaxsiy kabinetingizda taqdim etilgan variantlardan imtihon sanasi, vaqti va joyini mustaqil tanlash imkoniyatiga ega bo‘lasiz.

Men O‘zbekiston fuqarosi emasman. Xalqaro talaba sifatida ITPU'ga hujjat topshirishim mumkinmi?

Men O‘zbekiston fuqarosi emasman. Xalqaro talaba sifatida ITPU'ga hujjat topshirishim mumkinmi?

Ha, 2024/2025 o‘quv yilida ITPU xorijiy fuqarolar va fuqaroligi bo‘lmagan shaxslarni umumiy asosda qabul qiladi. Xorijiy fuqarolar va fuqaroligi bo‘lmagan shaxslar tomonidan Universitetga o‘qishga kirish uchun taqdim etilgan hujjatlar ingliz, o‘zbek yoki rus tillariga tarjima qilingan hamda O‘zbekiston Respublikasi qonunchiligida belgilangan tartibda notarial tasdiqlangan bo‘lishi kerak. Universitetda o'qish shartnomasi shaxsan imzolanadi va abituriyentning shaxsiy ishtirokini talab qiladi.

Qanday hollarda mening hujjatlarim qabul qilinmasligi mumkin?

Qanday hollarda mening hujjatlarim qabul qilinmasligi mumkin?

Arizangiz qabul qilinmaydi, agar:
1. Sizda ba'zi hujjatlar yetishmayotgan bo'lsa (pasport/maktab yoki litsey sertifikati)
2. Hujjatlar yomon skanerlangan yoki suratga olingan boʻlsa

Agar arizani topshirish paytida men hali sertifikat/diplom olmagan bo'lsam nima qilishim kerak?

Agar arizani topshirish paytida men hali sertifikat/diplom olmagan bo'lsam nima qilishim kerak?

Agar sertifikat/diplom hali olinmagan bo'lsa, abituriyentlar vaqtincha o'qish joyidan ma'lumotnoma taqdim etishlari mumkin.

Hujjatlarni topshirishda tibbiy ko'rikdan o'tishim kerakmi?

Hujjatlarni topshirishda tibbiy ko'rikdan o'tishim kerakmi?

Onlayn universitetga kirish va o'qish uchun tibbiy ko'rikdan o'tish shart emas.

Qabul komissiyasining ish vaqti qanday?

Qabul komissiyasining ish vaqti qanday?

Hujjatlarni qabul qilish www.my.itpu.uz sayti orqali kechayu kunduz onlayn tarzda amalga oshiriladi. Savollaringiz bo’lsa +998 55 520 40 00 telefon raqamiga murojaat qiling. Call-markazning ish vaqti: Dush-Jum — 09:00−18:00

Nogironligi bor abituriyentga kirish imtihonlarini topshirishda qanday imtiyozlar berilishi mumkin?

Nogironligi bor abituriyentga kirish imtihonlarini topshirishda qanday imtiyozlar berilishi mumkin?

2024/2025 o‘quv yili uchun nogironligi bo‘lgan abituriyentlar uchun imtiyozlar rejasi yo‘q.

Ro'yxatdan o'tish qachon boshlanadi?

Ro'yxatdan o'tish qachon boshlanadi?

2024/2025 o‘quv yiliga kirish uchun hujjatlarni 2024-yil 9-sentyabrgacha topshirishingiz kerak. Treningga arizalar www.my.itpu.uz saytimizda onlayn tarzda topshiriladi.

Universitet ITPU talabalarini chet elga ishlash uchun yuboradimi?

Universitet ITPU talabalarini chet elga ishlash uchun yuboradimi?

ITPUning eng bilimi kuchli talabalari butun dunyo bo'ylab EPAM ofislarida amaliyot o'tashlari mumkin.

O'qish paytida ishlash mumkinmi?

O'qish paytida ishlash mumkinmi?

Bakalavriat dasturida onlayn ta’lim an'anaviy ta'lim shakli kabi haftasiga 40-50 soat to'liq ish hajmini, shu jumladan onlayn darslarni va materialni o'rganish bo'yicha mustaqil harakatni talab qiladi. Shuni hisobga olgan holda, to'liq ish kuni bilan o’qishni birlashtirish o’zlashtirish samaradorligiga zarar yetkazishi mumkin. Siz o'zingizning bilim olish qobiliyatingizni va irodangizni real baholagan holda qaror qabul qilishingizni tavsiya qilamiz. O‘zbekiston Respublikasi qonunchiligiga ko‘ra, talabalar o‘qishdan bo‘sh vaqtlaridagina ishlashlari mumkin.

Universitet ishga joylashishda yordam beradimi?

Universitet ishga joylashishda yordam beradimi?

EPAM Systems xalqaro kompaniyasi va hamkor kompaniyalar talabalarga keyinchalik ishga joylashish taklifi bilan amaliyot o'tashga chorlashadi. Shuningdek, bizda talabalarimizga ish topishda yordam beradigan ichki “Karyera markazi” mavjud.

Boshqa universitetdan ITPUga o'tish mumkinmi?

Boshqa universitetdan ITPUga o'tish mumkinmi?

Ha mumkin. Ariza topshirish uchun info@itpu.uz manziliga murojaat qiling.
Xatga quyidagi hujjatlar ilova qilinishi kerak:
O‘qitilgan fanlar ro‘yxati, baholari va har bir fan bo‘yicha o‘quv yuklamasi (kredit yoki soatlarda) ko‘rsatilgan akademik sertifikat;
Universitetingizdagi baholash shkalasi (agar u transkriptda ko’rsatilmagan bo’lsa);

Matematika va dasturlash bilan bog’liq fanlar bo’yicha o’quv rejalari (syllabus).
Faqat yuqoridagi barcha hujjatlarni o’z ichiga olgan arizalar ko’rib chiqiladi.
Ariza muddatlari:
Yanvar — birinchi kursning ikkinchi semestridan o’qishni boshlash;
Iyul-avgust — ikkinchi kursning uchinchi semestridan o’qishni boshlash.
O’qishni ko’chirish to’g’risidagi qaror ITPU attestatsiya komissiyasi tomonidan qabul qilinadi.
Ushbu qarorda asosiy omil ITPU o’quv rejalari va abituriyentning hozirgi universiteti o’rtasidagi farq miqdoridir. Subyektlarning kamida yarmi qayta kreditlanishi kerak, ya’ni, bir xil mazmun va hajmga ega bo’lishi lozim.

Yozgi transfer uchun yana bir omil — arizachining transkriptida muvaffaqiyatli
yakunlangan IT loyihasining mavjudligi.
Agar sizning transkriptingiz ushbu mezonlarga javob bermasa, sizda ITPU’ga hamma qatori hujjat topshirib kirish tanlovi qoladi. Bunday holda, sizning transkriptingizdagi baholar attestatsiya komissiyasining qarori bilan ro’yxatdan o’tgandan keyin qayta hisoblanishi mumkin. Siz faqat siz uchun yangi bo’lgan kurslarni o’rganasiz va faqat ular uchun to’laysiz.

Talaba qanday qo'shimcha mutaxassislikni olishi mumkin?

Talaba qanday qo'shimcha mutaxassislikni olishi mumkin?

"Dasturiy ta'minot muhandisligi" asosiy ixtisosligidan tashqari, talabalar o’qishni tugatgandan so’ng darhol ishga kirishlarini ta’minlaydigan beshta aktual amaliy mutaxassisliklardan birini o'zlashtiradilar:

Back-end dasturchisi
Ma'lumotlarga ishlov berish, ma'lumotlar bazasi integratsiyasi va foydalanuvchi interfeysi bilan aloqani ta'minlovchi veb-ilovalarning backendini ishlab chiqadi.

Front-end dasturchi
Veb-ilovalarning interfeysini, ya’ni, foydalanuvchilar bilan o'zaro aloqada bo'ladigan vizual va interaktiv qismni yaratadi.

Full-Stack dasturchisi
Veb-ilovalarni boshidan oxirigacha, ya’ni, foydalanuvchi interfeysi va server mantig'ini yaratadi.

Mobil dasturchi
Mobil qurilmalar uchun ilovalarni ishlab chiqadi. Smartfon va planshetlarda foydalanuvchilarning o'zaro aloqasi uchun interfeys va funksionallikni yaratadi.

Avtomatlashtirilgan sinovlar bo'yicha mutaxassis
Dasturiy ta'minotning funksionalligi va ishlashini tekshirish, uning ishonchliligi va sifatini ta'minlash uchun avtomatlashtirilgan testlarni yaratadi va o'tkazadi.

ITPUdan qanday daraja olish mumkin?

ITPUdan qanday daraja olish mumkin?

Universitetimizda o'qishni tugatgandan so'ng siz bakalavr yoki magistr darajasini olasiz.

O’qish davomiyligi qancha?

O’qish davomiyligi qancha?

Bakalavr darajasi 4 yil davom etadi. Magistratura dasturi 1,5 yil davom etadi.

O’qish qaysi sanadan boshlanadi?

O’qish qaysi sanadan boshlanadi?

O‘qish 2024-yil 30-sentabrda boshlanadi. O’qishga tayyorlash kursi 24-sentabrda boshlanadi.

Imtihonlar har qancha vaqtda va qanday formatda o'tkaziladi?

Imtihonlar har qancha vaqtda va qanday formatda o'tkaziladi?

Har bir semestrda (yarim yillik) talaba har bir fandan oraliq (midterm) va yakuniy (final) imtihonlarni topshirishi shart.
Oraliq imtihonlar masofaviy tarzda o‘tkaziladi (imtihonning adolatli o’tkazilishini nazorat qilingan holda).
Yakuniy imtihonlar ITPU binosida universitet kompyuterlarida o‘tkaziladi.
Har bir imtihon sessiyasi bir hafta davom etadi.

Akademik ta'til olish mumkinmi? Kimga akademik ta'til beriladi?

Akademik ta'til olish mumkinmi? Kimga akademik ta'til beriladi?

Talaba O‘zbekiston Respublikasi qonunchiligiga muvofiq, ya’ni quyidagi asoslardan biri mavjud bo‘lgan taqdirda akademik ta’tilga chiqishi mumkin:

● harbiy xizmatni o’tash;
● tegishli qonuniy tasdiqlangan ro’yxatdagi kasalliklar mavjud bo’lganda sog’lig’ini tiklash
zarurati;
● homiladorlik va tug’ish;
● farzand parvarishi;
● betob oila a’zosiga (turmush o’rtog’i, bolasi, ota-onasi yoki ularning o’rnini bosuvchi
shaxslar) g’amxo’rlik qilish.

Akademik ta’tildan chiqish keyingi o‘quv yilida, akademik ta’til boshlangan o‘qish davri (semestr) boshlangan kundan boshlab amalga oshirilishi mumkin.

Talaba ushbu to’plamga tegishli bo’lgan bir xil shartlar (shu jumladan o’quv to’lovlari)
ostida tegishli keyingi to’plam bilan o’qishni davom ettiradi.

O'qishdan chetlatilgandan qancha vaqtdan keyin o'qishni davom ettirish mumkin?

O'qishdan chetlatilgandan qancha vaqtdan keyin o'qishni davom ettirish mumkin?

Agar talaba o’qishdan chetlatilgan bo’lsa, u keyingi o’quv yilidan oldin va o’qishdan chetlatilgandan keyin 2 o’quv yilidan kechiktirmay qayta tiklashi va o’qishni davom ettirishi mumkin.

ITPUda faqat kamida 1 semestr o‘qishni to‘liq va muvaffaqiyatli tamomlagan talabalar qayta tiklanadi.
Universitet tashabbusi bilan haydalgan talabalarning qayta kirishi cheklanmagan.

IELTS sertifikatimning rasmiy muddati tugagan boʻlsa, ariza topshira olamanmi?

IELTS sertifikatimning rasmiy muddati tugagan boʻlsa, ariza topshira olamanmi?

Muddati o‘tgan IELTS sertifikatini qabul qila olmaymiz. Siz kirish imtihonining bir qismi sifatida ingliz tilidan test topshirishingiz lozim bo’ladi. "Qanday qilib talaba bo'lish mumkin" bo'limidan ko'proq ma’lumot oling.

IELTS natijalarim ingliz tili imtihoni o’rnini bosadimi?

IELTS natijalarim ingliz tili imtihoni o’rnini bosadimi?

Ha, biz IELTS 5 kabi kamida B1 darajasidagi xalqaro tillarni bilish sertifikatlarini qabul qilamiz. Yana boshqa qabul qilinadigan sertifikatlar haqida batafsil maʼlumotni “Qanday talaba boʻlish mumkin” boʻlimida topishingiz mumkin.

Talabalarga stipendiya bormi?

Talabalarga stipendiya bormi?

Talabalar uchun stipendiya mavjud emas.

O’qish narxi?

O’qish narxi?

2024/2025 o‘quv yili uchun bir yillik ta’lim narxi 22 000 000 so‘mni tashkil etadi.

Bakalavr darajasini olish uchun grant olish mumkinmi?

Bakalavr darajasini olish uchun grant olish mumkinmi?

Universitet o'qish uchun grantlar bermaydi. Grantlar universitetning hamkor kompaniyalari, shuningdek, O‘zbekiston Respublikasi Ta’lim vazirligi tomonidan taqdim etilishi mumkin. Grant olgan talabalar hamkor kompaniya bilan shartnoma tuzadilar. Grant olish uchun tanlov mezonlari alohida e'lon qilinadi.

Kam ta’minlangan yoki nogironlarga (II yoki III guruh) kontrakt to‘lovlari bo‘yicha chegirmalar beriladimi?

Kam ta’minlangan yoki nogironlarga (II yoki III guruh) kontrakt to‘lovlari bo‘yicha chegirmalar beriladimi?

O'qish uchun chegirmalar ko’zda tutilmagan.

Shartnomani bo'lib-bo'lib to'lash mumkinmi?

Shartnomani bo'lib-bo'lib to'lash mumkinmi?

Ha, kontraktni yiliga 2 marta — semestr boshlangunigacha to’lash mumkin. O’qish uchun to’lovning barcha shartlari shartnomada ko’rsatiladi.

O'qish to'lovini to'lashning oxirgi muddati qachon?

O'qish to'lovini to'lashning oxirgi muddati qachon?

To'lov muddatlari shartnomada ko'rsatiladi.

ITPU diplomi xorijda tan olinadimi?

ITPU diplomi xorijda tan olinadimi?

O‘zbekiston Respublikasi Hukumatining 01.06.2022 yildagi 297-son qaroriga (4-modda) asosan ITPU diplomi O‘zbekistonda oliy ma’lumot to‘g‘risidagi diplom sifatida tan olinadi. Universitet dasturiy injiniringni o’qitish uchun litsenziyaga ega.

O‘zbekiston xalqaro xususiy huquq bo‘yicha Gaaga konferensiyasi (GKPI) tomonidan ishlab chiqilgan Apostil konvensiyasining a’zosi hisoblanadi. Shu tarzda, siz ITPU
diplomiga apostil qo’yishingiz mumkin.

O‘zbekistonda qo‘yilgan apostil boshqa ishtirokchi davlatlarda hujjatni qo‘shimcha sertifikatsiz tasdiqlaydi. Shu kabi holatlar ro’yxati bu yerda keltirilgan:
https://www.hcch.net/en/states/hcch-members.
Eslatib o‘tamiz, konvensiya O‘zbekiston va quyidagi ahdlashuvchi davlatlar: Avstriya, Belgiya, Germaniya va Gretsiya o‘rtasida kuchga kirmaydi. Biroq, diplomning xalqaro tan olinishi va qiymatini oshirish bo’yicha ishlar davom etmoqda.

Shu bilan birga, EPAM Raqamli muhandislik maktabi (ESDE) doirasida ITPUda ta’lim olish EPAMning uzoq yillik obro‘si va ta’limga o‘ziga xos amaliyotga yo‘naltirilgan yondashuvi tufayli xalqaro IT hamjamiyati tomonidan yuqori baholanishini
ta’kidlaymiz. Bu shuni anglatadiki, ITPU diplomi hukumatlar va universitetlarning tan olinishidan qat’i nazar, butun dunyo bo’ylab IT ish beruvchilari tomonidan yuqori talabga ega.

ITPU tomonidan berilgan diplom O‘zbekiston Respublikasida nostrifikatsiyani talab qiladimi?

ITPU tomonidan berilgan diplom O‘zbekiston Respublikasida nostrifikatsiyani talab qiladimi?

Bunga ehtiyoj yo’q. Diplom O‘zbekistonda tan olinadi.