IT Park University'da Ochiq kun qanday o‘tdi — fotohisobot bilan bo‘lishamiz

5-iyul kuni Raqamli texnologiyalar vazirligida IT Park University’ga o‘qishga kirishni rejalashtirayotgan barcha uchun Ochiq eshiklar kuni bo‘lib o‘tdi.

Kun davomida tadbir mehmonlari IT Park, Raqamli texnologiyalar vazirligi va hamkor kompaniyalar vakillari ishtirokidagi qiziqarli dasturdan bahramand bo‘lishdi. IT sohasidagi asosiy tendensiyalar, ta’limga zamonaviy yondashuvlar va karyera istiqbollari muhokama qilindi. Ishtirokchilar savollar berishlari va ekspertlar bilan shaxsan muloqot qilishlari mumkin edi.

Shuningdek, biz Exam Challenge natijalarini sarhisob qilib, g‘oliblarga sovg‘alar topshirdik.

Bosh sovrin — MacBook Air M3 g‘olibi Ilyas Avazbayev bo‘ldi, ikkinchi o‘rinni Behruz Nodirov egalladi — u Sony WH-1000XM5 quloqchinlarini qo‘lga kiritdi, uchinchi o‘rin esa Abdulloh Sodiqovga nasib etdi — uning sovrini Sony WH-CH720N quloqchinlari bo‘ldi.

G‘oliblarni tabriklaymiz va chellenjda ishtirok etgan barchaga minnatdorchilik bildiramiz — siz bu kunni haqiqatan ham unutilmas qildingiz!