Toshkentdagi AI Talks: sun’iy intellekt haqida ochiq muloqot
2025-yil 7-iyun kuni O‘zbekiston Raqamli texnologiyalar vazirligining Kongress zalida sun’iy intellekt bilan bog‘liq asosiy masalalarga bag‘ishlangan birinchi ochiq tadbir — AI Talks bo‘lib o‘tadi.
Tadbir tashkilotchilari — IT Park University, American University of Technology, EPAM va IT Park Uzbekistan. Ishtirokchilarni ma’ruza emas, balki har kim ishtirok etishi mumkin bo‘lgan ochiq munozara kutmoqda.
Sun’iy intellekt: imkoniyatlarmi yoki qiyinchiliklar?
Sun’iy intellekt allaqachon odatiy turmush tarzini faol o‘zgartirmoqda: mehnat bozori, ta’lim yondashuvlari va kundalik jarayonlarni o‘zgartirmoqda. Bugungi kunda nafaqat texnologik tendensiyalarni kuzatish, balki ularning jamiyatga, iqtisodiyotga va har birimizga ta’sirini tushunish muhimdir.
AI Talks’da biz sun’iy intellektga qo‘rquv yoki hayrat prizmasi orqali emas, balki har kuni ushbu texnologiyalar bilan ishlaydiganlar bilan to‘g‘ridan-to‘g‘ri suhbat orqali qarashni taklif qilamiz.
Muhokama uchun mavzular:
Sun’iy intellekt aslida nima?
SI mehnat bozori va ta’lim tizimiga qanday ta’sir ko‘rsatadi?
Sun’iy intellektning jadal rivojlanishi jamiyatga qanday tahdid solmoqda?
AI agentlari qanday rol o‘ynaydi va ulardan qo‘rqish kerakmi?
Tadbir spikerlari:
Said Irando‘st, Ph.D. — American University of Technology rektori
Bohodir Ayupov — IT Park University rektori
Renat Axtyamov — EPAM Uzbekistan rahbari
Rajan Tripathi, PhD — AUT raqamli texnologiyalar maktabi assistent-professori
"AI Talks — bu ma’ruza formati emas. Bahslashamiz, muhokama qilamiz, jalb qilamiz. Biz sun’iy intellekt allaqachon qanday ishlashini va u jamiyat oldiga qanday masalalarni qo‘yayotganini ko‘rsatmoqchimiz," — deydi IT Park University rektori va tadbir g‘oyasi mualliflaridan biri Boxodir Ayupov.
Ishtirok etish shartlari:
Sana: 2025-yil 7-iyun Vaqt: 10:00 — 13:30 Manzil: Toshkent shahri, Ibrohim Mo‘minov ko‘chasi, 4 Manzil: Raqamli texnologiyalar vazirligining Kongress zali Murojaat uchun telefon: +998 55 520 40 00 Ro‘yxatdan o‘tish (majburiy): forms.office.com/r/A6WCR9gMyK
AI Talks — bu har kim savol berishi, haqqoniy javob eshitishi va kelajak haqida o‘ylashi mumkin bo‘lgan makon. AI allaqachon hayotimizning bir qismiga aylangan. Bu bilan qanday yashashni tushunish vaqti keldi.