Ольга Лукашова
07.09.2022

IT Park University hujjatlarni 22-sentabrgacha qabul qiladi

ITPU_news (1).png


ITPU_news (1).png



IT Park University hujjatlarni 22-sentabrgacha qabul qiladi va 2023-yil fevraldan birinchi bosqichga kirish uchun tayyorgarlik semestrini boshlaydi. Kuzgi semestr uchun hujjatlarni qabul qilish 2022-yil 22-sentabrgacha davom etadi. Tayyorgarlik dasturi ingliz tilini bilish darajasi kirish va muvaffaqiyatli o‘qish uchun yetarli bo‘lmaganlar uchun mo‘ljallangan. Dasturni yaxshi o‘zlashtirgan talabalar 2023-yil fevral oyida IT Park Universiteti’ga imtihonsiz qabul qilinadi.

IT Park universiteti prezident topshirig‘i asosida ITPU Foundation Studiyes’ga qabulni boshladi. Bu bo‘lajak talabalarga ingliz tilini bilish darajasini oshirishga yordam beradigan, shuningdek, ularni muvaffaqiyatli o‘qish uchun zarur bilim va ko‘nikmalar bilan ta’minlaydigan tayyorgarlik semestridir. Dastur akademik ingliz tili, matematika, IT asoslari, shaxsiy rivojlanish ko‘nikmalarini o‘z ichiga oladi.

Oliy o‘quv yurtining “Ochiq eshiklar” kunida universitet direktori Bahodir Ayupov kursni tashkil etishdan maqsad haqida gapirdi.

Kurs g‘ayrat va shijoatli, ammo kam tayyorgarlik ko‘rgan abituriyentlar uchun tashkil etilgan. Agar sizning ingliz tilini bilish darajangiz IT Park Universitetiga kirish uchun hali yetarli bo‘lmasa va siz o‘qishga kirish imkoniyatini bir yilga yo‘qotishni istamasangiz, unda universitetgacha bo‘lgan kurs– ITPU Foundation Studiyes’ga yoziling. Ta’lim onlayn formatda bo‘lib o‘tadi va kelgusi yilning fevral oyida siz universitetning to‘laqonli talabasi bo‘lishingiz va talabgir hamda yuqori maoshli IT mutaxassisligini olishni boshlashingiz mumkin.

Talaba til darajasining A2 (asosiy)dan B1 (o‘rta) darajaga ko‘tarishi universitetga kirishni kafolatlaydi. O‘qitish ingliz tiliga bosqichma-bosqich o‘tish bilan o‘zbek va rus tillarida olib boriladi.

ITPU Foundation Studiyes’ga hujjatlarni qabul qilish 2022-yil 22-sentabrgacha davom etadi. Kursning davomiyligi 4,5 oydan iborat. Qiymati esa 5 million 600 ming so‘m. IT Park Universitetining bo‘lajak talabalari uchun 710 ming so‘m chegirma amal qiladi. Shundan kelib chiqib, belgilangan sanadan oldin hujjat topshirgan abituriyentlar uchun universitetgacha bo‘lgan kurs uchun o‘qish narxi 4 million 890 ming so‘mni tashkil etadi.

Shuningdek, 2022-yil 22-sentabrgacha ITPU Universitetiga quyidagi yo‘nalishlar bo‘yicha hujjatlar qabul qilinmoqda:

  • Web Developer;

  • Networks Engineer;

  • Software Tester;

  • Backend Developer (Java);

  • Mobile Developer (Android);

  • Front End Developer;

  • QA Engineer;

  • Big Data Engineer;

  • Cyber Security.

ITPU Universiteti IT Park va dasturiy ta’minot ishlab chiqishda dunyoning yetakchilaridan biri bo‘lgan – EPAM kompaniyasi bilan hamkorlikda tashkil etilgan. Kadrlar tayyorlash bo‘yicha 20 yillik tajribasiga asoslanib, EPAM ta’lim dasturlari dunyoning o‘nlab mamlakatlarida muvaffaqiyatli joriy etildi va AQSH, Litva, Ukraina litsensiyalariga ega bo‘ldi. Va nihoyat, EPAM endi O‘zbekistonda ham universitetini ishga tushirdi.

IT Park Universitetida o‘qish bir qator muqobil ta’lim muassasalariga qaraganda ancha arzon. Yillik shartnoma qiymati 9 million so‘mdan boshlanadi va darslar EPAM xalqaro kompaniyasi jamoalarining amaliyotchi muhandislari tomonidan olib boriladi. Muvaffaqiyatli natijalar ko‘rsatgan talabalar EPAM va boshqa IT Park rezident kompaniyalarida amaliyot va ish bilan ta’minlanadi. Talabalar, xohishlariga binoan, EPAM oliy ta’lim dasturlari joriy qilingan har qanday mamlakatda o‘qishni davom ettirish, shuningdek, dunyoning 50 dan ortiq mamlakatlarida faoliyat yuritadigan xalqaro kompaniyaning jamoalarida amaliyot o‘tash imkoniyatiga ega bo‘lishlari rejalashtirilgan.

3 yillik o‘qishni tugatgandan so‘ng, bitiruvchilar davlat tomonidan berilgan bakalavr darajasi diplomiga ega bo‘ladi. ITPU diplomi bizning bitiruvchilarimiz murakkab IT muammolarini hal qilishda amaliy ko‘nikmalarga ega ekanini va xalqaro loyihalarda ishlashga tayyorligini tasdiqlaydi.

IT Park Universitetida yoshlarni qo‘llab-quvvatlash bo‘yicha davlat dasturlari mavjud. Masalan, xotin-qizlarga prezidentning 07.18.2022-yildagi 323-sonli qarori asosida foizsiz ta’lim krediti hisobidan o‘qish imkoniyati beriladi.

IT Park Universiteti va ITPU Foundation Studiyes’ga kirish haqida batafsil ma’lumotni quyidagi raqamga murojaat qilish orqali olishingiz mumkin: +998 55 503 99 99

Ulashish...

So`nggi yangiliklar

Timurbek Nurmatov
Grant Winners_1100х609 1.png

Grant egalarini tabriklaymiz! 24-26 oktyabr kunlari Samarqand shahrida bo'lib o&...

Grant egalarini tabriklaymiz! 24-26 oktyabr kunlari Samarqand shahrida bo'lib o'tgan ICTWEEK Uzbekistan ko'rgazmasi davomida grant egalariga sertifikatlar topshirildi.  ICTWEEK UZBEKISTAN – O'zbekistonda axborot texnologiy...
Timurbek Nurmatov
ð¥ð▒ð╗ð¥ðÂð║ð░ (2).png

ITPU rektori Benjamin Bederson bilan tanishuv

ITPU rektori Benjamin Bederson bilan tanishuv 28-oktabr kuni IT Park University’da talabalar inson-kompyuterning o'zaro aloqasi va dasturiy ta'minotni ishlab chiqish bo'yicha kompyuter fanlar professori, rektor Benjamin Bederson bilan u...
Timurbek Nurmatov
Grant Results_1100x609_eng.png

ATKRV grantini yutgan g‘oliblar

ATKRV grantini yutgan g‘oliblarni tabriklaymiz G'oliblar ro'yxati: 1. Farrukh Gayipov  2. Javokhir Makhkamov 3. Dilshodbek Isokjonov 4. Abdulkhodiy Rakhmonov 5. Kamolbek Qadamov 6. Otabek Eshpo'latov 7. Asadbek Savronov 8. Diyor...
Timurbek Nurmatov
фото 9.jpg

ITPU Orientation Day 2022

ITPU Orientation Day 2022 Toshkent shahrida Orientation Week doirasida IT Park universiteti talabalari uchun Timbilding bo'lib o'tdi. Ushbu tadbirning maqsadi talabalarni kursdoshlari bilan tanishtirish va shaxsiy rivojlanish ko'nikmal...