Birinchi navbatda, talabalar EPAMʼda ishlash haqida koʻproq maʼlumotga ega boʻladilar: ofis qanday tashkil etilgan va ish jarayonlari qanday tartibga solingan, IT sohasida qanday nostandart lavozimlar bor va hozirda nima ustida ish olib borishmoqda.

Rejaga hard va soft skillarni shakllantirishga moʻljallangan koʻp yoʻnalishli tadbirlar kiritilgan:

• EPAM xodimlari va Yevropa Gumanitar Universiteti talabalari bilan uchrashuvlar;

• Test oʻtkazish va Java Script boʻyicha workshoplar;

• Java boʻyicha hakaton;

• Soft skills boʻyicha trening;

• Trening Agile

Amaliyot davomidagi madaniy dasturda Vilnyus, Rigada sayr va Trakayda ekskursiya rejalashtirilgan.

Eslatib oʻtamiz, amaliyot 24-apreldan 1-mayga qadar boʻlib oʻtadi. Ishtirokchilar maxsus komissiya tomonidan akademik yutuqlari va motivatsion videorolik asosida tanlab olinganlar. Jami sakkiz nafar gʻolib boʻlib, toʻrt nafar talaba Litvaga, qolganlari Polshaga yoʻl oladilar. Amaliyot dasturi toʻliq IT Park University tomonidan qoplanadi.

Eng soʻnggi yangiliklardan xabardor boʻlish uchun ijtimoiy tarmoqlardagi sahifalarimizni kuzatib boring.

Barcha savollar boʻyicha quyidagi raqamga qoʻngʻiroq qiling: +998555039999