ITPU universiteti ta’lim dasturida ChatGPT asosida sun’iy intellektdan foydalanish joriy qilinmoqda. Ushbu ilg'or texnologiya o'quv jarayonini yaxshilaydi, uni yanada qiziqarli, moslashtirilgan va samarali bo’lishiga yordam beradi. Mana bu hozirda universitetda ko’rib chiqilayotgan ChatGPT integratsiyasining uchta turi.
Bu ChatGPT’ning ITPU universiteti ishlab chiqayotgan eng muhim qo’llanishlaridan biridir. Universitet mutaxassislari AI-murabbiyni barcha o’qitiladigan fanlar bo’yicha mutaxassis qilib tayyorladilar. Endi talabalar o’quv dasturi bo’yicha istagan vaqtlarida malakali yordam va istagan savollariga javob olishlari mumkin. AI-murabbiy nafaqat atamalar va ta’riflarni mukammal biladi, balki algoritmlarni qanday ishlab chiqish va talabalar kodidagi xatolarni ham topa oladi.
O'tilgan materialni takrorlash uchun kartalar generatoriIntervalli takrorlash usuli - tushunchalar, ta'riflar va formulalarni yodlashning samarali usulidir. Bu o’quv jarayonining ajralmas qismi. Biroq, kartalarni yaratish ko’p vaqt oladi, shuning uchun ITPU universiteti ChatGPT’ga asoslanib avtomatlashtirishning eksperimental jarayonini ishlab chiqdi.
Tizim istalgan mavzu bo'yicha kartochkalarni tezda ishlab chiqa oladi, talabalar esa ularni takrorlash uchun ishlatishlari mumkin. Kartochkalar talabaning xohishiga ko'ra moslashtirilishi mumkin, bu esa o'quv jarayonini yanada qiziqarli va shaxsga moslashtirilgan bo’lishini ta’minlaydi.
Mavzularni to'liq o'zlashtirish uchun savollar generatoriBundan tashqari, ITPU o'quv materiali asosida o'z-o'zini tekshirish uchun savollar yaratish imkoniyatini o'rganib chiqdi. Tizim barcha muhim tushunchalar va mavzularni qamrab olgan holda savollar tuza oladi
Bu funksiya talabalarga o'zlarining kuchli va zaif tomonlarini aniqlash, kurs materialini o’zlashtirishlari bo'yicha fikr-mulohazalar olishga yordam beradi. Shu bilan birga, o'qituvchilar talabalarning materialni qanchalik yaxshi tushunishlarini baholashlari va kerak bo'lganda ta’lim jarayonini guruh ehtiyojlariga moslashtirishlari mumkin.
ITPU ta’lim tizimiga sun’iy intellekt joriy qilinishining asosiy sababi universitetning EPAM global IT-korporatsiyasi tomonidan ishga tushirilganligi bo’lib, u doimo IT rivojlanishda yetakchi va Google, Amazon, Apple, Meta (Facebook) va boshqa kompaniyalarga xizmat ko’rsatadi. IT Park University - o‘z talabalariga jahon darajasida ta’lim beradigan va ularni muvaffaqiyatli karyera uchun tayyorlaydigan ilg‘or ta’lim muassasasidir. EPAM va ITPU universiteti xodimlari doimiy ravishda o'quv jarayonini yaxshilash yo'llarini izlaydilar va IT sohasidagi eng so’nggi xalqaro yangiliklarni birinchilardan bo’lib ta’lim tizimiga joriy etadilar, ChatGPT ham shuning yaqqol misolidir.
ITPU’da ta'limga bo'lgan yondashuv haqida ko'proq bilishni istaysizmi? IT Park University yangiliklar tasmasini kuzatib boring.
Ulashish...
