Grant egalarini tabriklaymiz!

24-26 oktyabr kunlari Samarqand shahrida bo'lib o'tgan ICTWEEK Uzbekistan ko'rgazmasi davomida grant egalariga sertifikatlar topshirildi.

ICTWEEK UZBEKISTAN – O'zbekistonda axborot texnologiyalari sohasida 2004-yildan buyon har yili o'tkazib kelinayotgan eng muhim tadbirlardan biri.

Grant egalari 2022-2023 o'quv yili uchun bepul ta’lim olish imkoniyatini qo'lga kiritishdi. Stipendiya O'zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan to'liq qoplanadi.

Grant egalarini qanday mezonlar bilan saralab olinganlarini eslatib o'tamiz:

- Ingliz tilini bilish darajasi

- Attestatdagi o'rtacha ball

- Ingliz tilidagi motivatsion xati

- IT sohsidagi xalqaro yoki mahalliy sertifikatlari va mukofotlari

Taʼkidlash lozimki, nomzodlar soni ko'p bo'lishiga qaramay, har bir ariza maxsus tuzilgan komissiya tomonidan ko'rib chiqilgan va o'rganilgan.

Ushbu tanlovda ishtirok etgan barcha nomzodlarga minnatdorchilik bildiramiz va o'z maqsadlariga erishish uchun ishlashda davom etishlarini tilab qolamiz.