O‘zbekiston Respublikasi Prezidenti Shavkat Mirziyoyevning topshirig‘i hamda Vazirlar Mahkamasining 2022 yil 1 iyundagi 297-sonli (“IT-Park University” raqamli universitetini tashkil etish chora-tadbirlari to‘g‘risida”) qaroriga muvofiq mamlakatimizda IT Park University tashkil etilmoqda.
IT Park va “EPAM Systems” kompaniyasi OTM asoschilari hisoblanadi. Universitet dasturi bitiruvchilar uchun zamonaviy va yuqori talabga ega IT mutaxassisliklarini egallashga qaratilgan. O‘quv jarayoni aralash, asosan onlayn tarzda olib boriladi, bu esa butun mamlakat bo'ylab talabalarni poytaxtga ko‘chib o‘tmasdan mutaxassislikka ega bo'lish imkonini beradi.
Ta’lim jarayoni quyidagi mutaxassisliklar bo‘yicha amalga oshiriladi:
- Web Developer
- Networks Engineer
- Software Tester
- Backend Developer (Java)
- Mobile Developer (Android)
- Front-End Developer
- QA Engineer
- Big Data Engineer
Uyda yoki IT Park ofislarida (poytaxtda yoki viloyatda) ta'lim olish imkoniyati. Bakalavriatda oʻqish muddati 3 yil, asosiy oʻqitish tili ingliz tilidir. Abituriyentlar o‘qishga kirish uchun amaldagi xalqaro IELTS (minimal ball 4.5) yoki TOEFL (minimal ball 42) sertifikatlarini taqdim etishi yoki roʻyxatdan oʻtib, IT Park filiallaridan birida imtihon topshirishi kerak. Til bilishning talab qilinadigan darajasi Intermediate ("CEFR B1").
Kirish imtihonlari 2022-yil 19-iyundan boshlandi.
