IT Park University 17-20 sentyabr kunlari Toshkentda bo‘lib o‘tgan Markaziy Osiyodagi axborot-kommunikatsiya texnologiyalari sohasidagi eng yirik tadbir — ICTWEEK 2024 da faxr bilan ishtirok etdi.
ICTWEEK — bu har yili 50 dan ortiq mamlakatdan 200 dan ziyod kompaniyalarni jamlaydigan keng ko‘lamli tadbir bo‘lib, tajriba almashish, eng so‘nggi texnologiyalarni namoyish etish va xalqaro aloqalarni o‘rnatish uchun platforma. Bu yil haftaning asosiy mavzulari sun’iy intellekt, raqamlashtirish, startaplar va IT sohasiga investitsiyalar bo‘ldi.
ICTWEEK doirasida universitetimiz ishtirokchilar uchun «Pol — bu lava», «Ko‘zga ko‘rinmas», «Ko‘r qadam» va «Pufik ustasi» kabi bir qancha qiziqarli o‘yinlarni o‘tkazdi. Bu o‘yinlar ishtirokchilarda katta qiziqish uyg‘otib, ular orasida hamkorlik va xushchaqchaqlik muhitini yaratdi.
Biz shunday muhim tadbirni o‘tkazishga o‘z hissamizni qo‘shganimizdan mamnunmiz va kelajakdagi tadbirlarda ishtirok etish uchun yangi imkoniyatlarni intizorlik bilan kutamiz!